Qorbaçovun sevimli baş redaktoru öldü

SAVASHMEDİA.az “AzadlıqRadiosu”na istinadən xəbər verir ki, bu barədə tarixçi Viktor Mironenko məlumat yayıb. 

Ukrayna əsilli şair, publisist, ictimai xadim olan Korotiç ömrünün 89-cu ilində Moskvada dünyasını dəyişib. 

Onun ulduzu yenidənqurma illərində “Oqonyok”un baş redaktoru (1986–1991-ci illər) olarkən parlayıb. Məhz onun rəhbərliyi altında jurnal Stalin repressiyaları haqqında həqiqətlərə işıq salıb və SSRİ-də demokratik dəyişikliklərdə böyük rol oynayıb.

Vitali Korotiç 1936-cı ildə Kiyevdə anadan olub. O, həkim ixtisası üzrə təhsil alıb. 1960-cı illərdə o, həm Ukrayna, həm də rus dillərində yazan şair kimi tanınıb. Kiyevdə müxtəlif ədəbi nəşrlərdə redaktor işləmiş Korotiç xarici ölkələr haqqında sovet rejiminə sadiq mövqedən yazıb. Ukrayna arxivlərində onun DTK ilə əməkdaşlığına dair sənədlər var.

SSRİ xalq deputatı seçiləndə Mixail Qorbaçova qarşı guya demokratik müxalifət kimi çıxış edən Regionlararası Qrupa daxil olub.

1991-ci ilin avqustunda Dövlət Fövqəladə Hallar Komitəsinin (QKÇP) çevrilişindən xəbər tutanda ABŞ-də qalmaq qərarı alıb. Buna görə “Oqonyok”un baş redaktoru vəzifəsindən istefa verib. 1998-ci ilə qədər ABŞ-də müəllimlik edib, sonra Kiyevə qayıdıb. O, “Qordon bulvarı” qəzetinin redaksiya heyətinə sədrlik edib və indi rusiyapərəst Viktor Yanukoviçi dəstəkləyib. 2014-cü ildə “Azadlıq” radiosuna verdiyi müsahibədə o, Krımın hansı ölkəyə mənsub olması barədə suala birbaşa cavab verməkdən imtina edib, “Rusiyanın Ukrayna ilə müharibəyə başlayacağına inanmaq mümkün deyil. Bu, tarixdə heç vaxt olmayıb” deyib.

Son illərdə o, Moskvada yaşayıb, ukraynalı fəallar onu rusiyayönlü mövqedə ittiham edərək adını “Sülhməramlı” məlumat bazasına daxil ediblər.

Xatirə SADİQ