Azərbaycanda əsgərlərə bank kartları paylanır - Maaşla bağlı yenilik
Azərbaycanda əsgərlərin maaşlarının ödəniş mexanizmi yenilənir. Əsgərlərə verilən məvaciblər artıq bank kartları vasitəsilə ödəniləcək.
SAVASHMEDİA.az xəbər verir ki, bu məqsədlə xüsusi "əsgər kartları" hazırlanıb və onların hərbi qulluqçulara paylanmasına başlanılıb.
Məsələ ilə bağlı danışan hərbi ekspert, ehtiyatda olan polkovnik-leytenant İbrahim Rüstəmli bildirib ki, bu yenilik orduda şəffaflığın artırılmasına xidmət edir:
"Əvvəllər əsgərlərə maaş cədvəllə verilirdi və onlar qol çəkib alırdılar. İndi isə bu proses "əsgər kartı" ilə həyata keçiriləcək. Bu sistem həm şəffaflığı təmin edəcək, həm də rüşvət və sui-istifadə hallarının qarşısını müəyyən qədər alacaq."
Yeni sistemin yaxın vaxtlarda bütün hərbi hissələrdə tam tətbiq ediləcəyi gözlənilir.
Oğuz
