Ekipaj fədakarlıq göstərib – Qazaxıstan KİV
“Azərbaycan Hava Yolları”na məxsus təyyarənin ekipajı Qazaxıstanın Aktau şəhərinin hava limanı yaxınlığında qəzaya uğramaqdan öncə layneri yaşayış məntəqəsinin üzərindən uzaqlaşdırmağa nail olub.
SAVASHMEDİA.az xəbər verir ki, bu barədə Qazaxıstanın “ORDA” portal məlumat yayıb.
“Ekipaja afərin, onlar təyyarəni uzaqlaşdıra bildilər. Əks halda qurbanlar daha çox ola bilərdi”, - deyə şahidlər portla bildiriblər.
“ORDA” yazıb ki, Sayın kəndi qəza yerinin yaxınlığında yerləşir. 2009-cu ilə olan məlumata görə, orada 1,3 min nəfər əhali yaşayır.
Azərbaycanın Fövqəladə Hallar Nazirliyi beş ekipaj üzvünün həlak olduğunu açıqlayıb.
Xatirə SADİQ
