İqtisadiyyat üzrə Nobel mükafatçılarının adları açıqlandı – aralarında erməni də var

İsveçin Kral Elmlər Akademiyası bu il iqtisadiyyat sahəsində Nobel mükafatını Daron Acemoğlu, Saymon Conson və Ceyms A.Robinsona verdiyini açıqlayıb.

Oct 14, 2024 - 10:56

İqtisadiyyat üzrə Nobel mükafatçılarının adları açıqlandı – aralarında erməni də var

SAVASHMEDİA.az xəbər verir ki, bu barədə Nobel Komitəsi əlumat yayıb.

Komitənin açıqlamasında deyilir ki, Nobel mükafatının indiki laureatları institutların necə təşəkkül tapmaları və rifaha təsir etdikləri barədə tədqiqata görə bu fəxri ada layiq görülüblər.

Qeyd edək ki, Kamer Darov Acemoğlu erməniəsilli amerikalı iqtisadçıdır. O, 1967-ci il sentyabrın 3-də İstanbulda dünyaya gəlib. Amma nədənsə, “Wikipedia”da türk-amerikalı iqtisadçı kimi təqdim edilib.

Onun həyat yoldaşı türkəsilli Asuman Özdağlardır. Asuman xanım oyun və optimizassiya nəzəriyyəsi üzrə araşdırmaları ilə tanınır. Onların Arda ve Aras adlarında iki oğlu var.

Asuman Özdağların atası keçmiş millət vəkili və Turqut Özalın ilk hökumətində neft işləri üzrə dövlət naziri olan İsmayıl Özdağlardır.

Xatirə SADİQ