Məsafəyə görə ödəniş, yoxsa bahalaşma... - Bakı Metropoliteni nəyə hazırlaşır?
Məsafə, zona və sərnişin seqmentlərinə əsaslanan diferensial tarif modelləri üzərindəki təhlillər gələcəkdə daha balanslı və iqtisadi cəhətdən əsaslandırılmış tarif mexanizminin formalaşdırılmasına imkan verə bilər.
SAVASHMEDİA.az xəbər verir ki, bunu "Bakı Metropoliteni" QSC-nin Maliyyə departamentinin rəisi Kamal Hüseynli tarif dəyişiklikləri haqqında danışarkən bildirib.
Departament rəhbəri qeyd edib ki, tarif dəyişikliyinin əsas məqsədi gəlirləri artırmaqdan daha çox, xidmətin təhlükəsizliyini, etibarlılığını və dayanıqlılığını təmin etməkdir.
"Yeni tarif çərçivəsində işarəvermə və enerji sistemlərinin təkmilləşdirilməsi, hərəkət qrafikinin daha sabit və çevik qurulması, intervalın azaldılması, o cümlədən 34 cüt qatarla istismar imkanlarının genişləndirilməsi və stansiyalarda xidmət keyfiyyətinin yüksəldilməsi kimi istiqamətlər prioritet təşkil edir. Görülən işlərin nəticələri növbəti maliyyə və fəaliyyət hesabatlarında əksini tapacaq".
Qeyd edək ki, metroda diferensial tarif o deməkdir ki, sərnişin metrodan istifadə məsafəsinə, istifadə etdiyi zonaya və ya sərnişin kateqoriyasına (tələbə, təqaüdçü, işləyən sərnişin) görə fərqli qiymət ödəyir.
Aytən
