"Qalatasaray"ın 2 futbolçusu mərc oyunlarına görə cəzalandı
"Qalatasaray"ın futbolçusu Eren Elmalının cəzası məlum olub.
SAVASHMEDİA.az xəbər verir ki, 25 yaşlı cinah müdafiəçisi 45 gün komandasından uzaq qalacaq.
Bu barədə Türkiyə Futbol Federasiyası (TFF) məlumat yayıb.
Qeyd edək ki, o, mərc etdiyi üçün bu cəzaya məruz qalıb. Onun 5 il əvvəl 1 dəfə futbol mərci oynadığı müəyyən edilib.
Oyun sayı az olduğu üçün ona mümkün ən yüngül cəza verilib.
"Qalatasaray"ın gənc müdafiəçisi Metehan Baltacı da eyni səbəbdən cəzalanıb. O, 9 ay futbolla məşğul ola bilməyəcək.
Aytən
