Soyuducudan pis qoxu gəlirsə... – Təbii vasitələr

 SAVASHMEDİA.az soyuducudan pis qoxunun gəlməsinin qarşısını alan vasitələri təqdim edir.

Soyuducudan Qoxunun Qarşısını Almaq Üçün

1. Qidaları həmişə bağlıs saxlayın

Yeməkləri hava keçirməyən qablarda və ya streç plyonka ilə bağlayın.

Güclü qoxulu qidalar (soğan, balıq, sarımsaq, pendir) qapalı qabda olmalıdır.

2. Vaxtında Təmizləmə

Ayda 1 dəfə soyuducunu boşaldıb, sirkəli və ya sodalı su ilə silin.

Tökülən və xarab olan məhsulları dərhal təmizləyin.

3. Soyuducunun temperaturu düzgün olsun

İdeal temperatura +2°C – +4°C arasında olmalıdır.

Yüksək temperatur qidanın tez xarab olmasına və qoxu yaranmasına səbəb olur.

Qorxunun qarşısını təbii vasitələrlə almaq

1. Soda (çay sodası)

Açıq bir qabda 2–3 xörək qaşığı çay sodası qoyun və soyuducuda saxlayın.

Ayda bir dəfə dəyişdirin – çox güclü qoxuları da udur.

2. Sirkə

1 stəkan suya 2-3 xörək qaşığı ağ sirkə əlavə edin, qarışıqla soyuducunun içini silin.

Sirkə həm mikrobları öldürür, həm də qoxunu aparır.

3. Limon və ya portağal qabığı

İçinə bir az soda əlavə edib soyuducunun bir küncünə qoyun.

Təbii ətir verir və qoxunu neytrallaşdırır.

4. Aktivləşdirilmiş kömür

2–3 tablet kömürü kiçik bir qaba qoyun və soyuducuda saxlayın.

Güclü sorucu təsiri var.

5. Qəhvə dənələri və ya quru çay

Açıq qabda qoyun. Həm qoxunu çəkir, həm də xoş ətir verir.

Əlavə praktik məsləhətlər:

 Meyvə və tərəvəz bölməsini həftədə bir yoxlayın – çürük məhsul varsa, dərhal atın.

 Soyuducunun arxasını və altını ildə bir dəfə təmizləyin – bəzən gizli axıntılar və kif ola bilər.

 Soyuducunun daxili havalandırma dəliyini qida ilə bağlamayın – hava dövranı vacibdir.

Yağmur