Tramp onu “Ağ Evin süni intellekt və kriptovalyuta çarı” elan etdi
ABŞ-nin yeni seçilmiş prezidenti Donald Tramp sahibkar və investor Devid Saksa öz administrasiyasında vəzifə verib.
SAVASHMEDIA.az xəbər verir ki, Tramp bu barədə “Truth Social” sosial şəbəkəsində yazıb.
“Devid O. Saksın “Ağ Evin süni intellekt və kriptovalyuta çarı” olacağını elan etməkdən şadam”, - deyə o, vurğulayıb.
Tramp əlavə edib ki, Saks Amerikanın gələcək rəqabət qabiliyyəti üçün kritik iki sahə – süni intellekt və kriptovalyutalarla bağlı administrasiyanın siyasətlərinə cavabdeh olacaq.
Onun sözlərinə görə, Saks diqqətini Amerikanı bu sahələrdə şəksiz dünya lideri etməyə yönəldəcək.
Bundan əlavə, Saks elm və texnologiya üzrə Prezidentin Müşavirlər Şurasına rəhbərlik edəcək.
Xatirə SADİQ
