Varlı babasını öldürən nəvə qohumlarını belə aldadıb - "Telefonundan hər gün mesaj yazıb"

Söhbət Samara şəhərinin keçmiş meri Viktor Tarxov və həyat yoldaşı Nataliya nəvələri tərəfindən qəddarlıqla öldürülməsindən gedir. 

Müstəntiqlərin fikrincə, qətldə əsas şübhəli cütlüyün nəvəsi, hazırda həbsdə olan, lakin ifadə verməkdən imtina edən Yekaterina Belskayadır.

Nə baş verib?

Nəvə baba və nənəsinin cəsədlərini parçalayıb, qalıqları hissə-hissə daşıyıb atıb. və bir ay ərzində onların telefonlarından dost-tanışlara mesajlar göndərərək onların sağ olduğu görüntüsü yaradıb. 

SAVASHMEDİA.az Tarxovları yaxından tanıyan rusiyalı jurnalist Vitali Papilkin müsahibəsini təqdim edir?

Vitali Papilkin xatırlayır: 

"Əvvəllər Viktor Tarxov həmişə yoldaşların əhatəsində idi, onu hər yerdə köməkçilər və mühafizəçilər müşayiət edirdi.  Amma son illər ictimaiyyət qarşısına çıxmırdı. Bu, qızı Lyudmilanın 2022-ci ildə qəsbdə ittiham olunduqdan sonra baş verdi. O, kobud, həyasız bir insan idi. O, dostları ilə sərxoş halda iş adamlarının, siyasi isteblişmentin və başqalarının toplaşdığı bahalı məkanlara girə bilərdi. O, yerli oliqarxın yanına gedib deyə bilərdi: “Qulaq as, mənə 200 min dollar ver, sənə qaytarararlar”. Və atanın qaytaracağını bildikləri üçün veriridilər. İnsanlar kütləvi şəkildə Viktor Aleksandroviçə yaxınlaşaraq borcunu nə vaxt ödəyəcəyini soruşmağa başladılar. O, bütün borclarını ödədi. Bunlar böyük məbləğlər idi. Buna görə də o, Lyudmila ilə böyük dava edib.

- Tarxovu necə xatırlayırsınız?

- O, Samarada nəyisə edə bilən, yaxşılığa doğru dəyişə bilən, yaratmağa çalışan bir insan kimi görünmək istəyirdi. O, xoş xasiyyətli idi. 2009-cu ildə sualıma cavab verməkdən imtina edəndə mətbuat konfransında ona ayaqqabı atdım. Fikirləşdim ki, indi Tarxov polisə ərizə yazacaq, məni 15 gün həbs edəcəklər. Qorxdum, şəhərdən qaçdım, məni gizlətdilər. Amma o, heç nə etmədi. Daha sonra müsahibəsində deyirdi: “Mən bu çəkməni xatirə kimi saxladım”. Bir sözlə, qisasçı deyildi və çox sadə insan idi. Ona yaxınlaşıb “Gəlin siqaret çəkək, mənə bir şey danışın” deyə bilərdiniz və o, bundan imtina etməzdi.

Tarxov sadə yaşayırdı, ömrü boyu köhnə pencəklər geyinib. İnsanlara sataşmazdı, çox bahalı avtomobili və ya dəbdəbəli evi olduğunu göstərməzdi. Küçədə onunla rastlaşan fikirləşə bilərdi ki, bu kasıb kimdir Baxmayaraq ki,  o, çox varlı adam idi. Mer olmamışdan əvvəl o, YuKOS-da məsul vəzifədə çalışıb.
Şayiələrə görə, onun Finlandiyada evi olub, 2000-2004-cü illərdə mütəmadi olaraq dincəlmək və balıq tutmaq üçün oraya gedib. 

Bütün varlılar kimi Tarxovun da özünəməxsus xüsusiyyətləri var idi. O, kiçik təyyarələrin vurğunu idi. Samara vilayətində təyyarələr istehsal edən zavod tikmək arzusunda idi. 

- Tarxov içirdi?

- Hərdən bir az araq içə bilərdi, amma ondan sui-istifadə etmirdi. Mən onu heç vaxt sərxoş görməmişəm. Tarxov jurnalistləri də sevirdi. Televiziya verilişindən sonra qala, bizimlə içki içə, gitara çala, oxuya bilərdi. O, sadəliyindən biznes məqsədləri üçün və siyasətdə istifadə edirdi. Çoxları Viktor Aleksandroviçin "kolxoz səviyyəsini" qeyd edirdi. Baxmayaraq ki, bəlkə də sadəcə axmaqlıq edirdi.

- Həyat yoldaşı Natalya haqqında nə deyə bilərsiniz?

- Görünmürdü. Tarxov heç vaxt onun haqqında danışmadı. Və ümumiyyətlə, Viktor Aleksandroviç qadınlara biganə idi, məşuqələri yox idi. O, daha çox aviasiya və balıqçılıqla maraqlanırdı. Üstəlik, dindar adam idi. Samarada kilsələrə ianə verir, məbədlər tikir, özü də dini yürüşlərə gedirdi.

- Qızı yerli kriminal arvadı idi. Bu necə olub?

- Fakt budur ki, Tarxov həmişə yarımkriminal fiqurların əhatəsində olub. Hətta bələdiyyə sədrinin mühafizəsi də “Oğlanın sözü” filmindəki kimi idi. O, qızını bu şirkətdən qorumağa çalışıb. Amma alınmadı. Təxminən 20 yaşı olanda kriminal aləmdən olan bir kişi ilə tanış oldu. Onlar görüşməyə və birlikdə yaşamağa başladılar. Onlar tez-tez gecə klublarında və diskotekalarda bir yerdə görünürdülər. Onlar birlikdə sərxoş vəziyyətdə avtomobil idarə edərkən tutulublar. Viktor Aleksandroviç buna mane ola bilmədi.

Nəhayət, həmin şəxsin evindən bir neçə qumbara və pulemyot tapılıb. O, həbs edilib. Bilmirəm çıxdı, yoxsa hələ də oturur.

Demək olar ki, Tarxovun qızı gənc yaşlarından kriminal mühitə çəkilib. Atanın siyasi karyerası enişə doğru getməyə başlayanda onu qızı Lyudanın borcları ilə bağlı narahat edən kreditorlar peyda oldu. Lyuda isə dəbdəbəli yaşamağa davam etmək istəyirdi. Amma alınmadı və o, hədə-qorxu gəldiyinə görə həbsə atıldı.

- Tarxov son vaxtlar adi təqaüdçü kimi yaşayır?

- Deyək ki, imkanlı pensiyaçı kimi. Bankdakı pul ömrünün sonuna qədər ona bəs edərdi.  

- Nəvəsi Yekaterina haqqında nəsə məlum idimi?

- Son hadisələrə qədər nəvə haqqında heç eşitməmişdik. Onun atasının kim olduğunu bilmirik. Tarxovun özü bu barədə açıq danışmadı. 

– Mərhumun və nəvəsinin yaşadığı yaşayış kompleksi elit sayılırmı?

- Samarada elit heç nə yoxdur. Onun evinin yerləşdiyi ərazi prestijli sayılmır. Ola bilsin ki, bu, Tarxovun qənaət rejimində yaşadığını deməyə əsas verir.

- 77 yaşında güclü adam idi? Nəvəsi ona hücum edibsə, niyə qarşılıq verməyib?

- Viktor Aleksandroviç idmandan uzaq idi, günə iki-üç qutu "Camel" siqareti çəkirdi. Görüş və ya sessiya zamanı çölə çıxıb siqaret çəkə bilərdi.  Artıq 2009-cu ildən səhhəti yaxşı deyildi.

Nəvəyə gəlincə, məncə ananın aurası, istedadı miras yolu ilə qızına keçib. Katyanın, Lyudmila kimi, 90-cı illərin qalıqları olan qanqsterlərlə əhatə olunduğunu istisna etmirəm. Anasının vaxtilə narkotikdən istifadə etdiyi haqda şayiələr yayılıb. Bəlkə də Katya onun izi ilə gedib. İstisna etmirəm ki, nə vaxtsa onun narkotik üçün kifayət qədər pulu olmayıb və dostları onu cinayətə sövq edə bilərdilər. Mənbələrimdən ikisi əvvəlcə eks-merin və onun həyat yoldaşının güllələndiyini söylədi. Evdə ov tüfəngi ola bilərdi. 

Nəvənin bir neçə dəfə baba və babasının evinə girərək çantalarla qayıtdığı məlum olub. Bu kameralara düşüb. Amma kimsə onu küçənin o biri tərəfində, kameraların olmadığı yerdə gözləyə bilərdi. Ona nəzarət oluna bilərdi.

Hazırladı Yağmur