Yeni Papa Robert Francis Prevost kimdir? - DOSYE
Xəbər verdiyimiz kimi, Vatikanda yeni Roma Papası seçilib. Səsvermədə kardinalların etimadını Robert Francis Prevost qazanıb.
ABŞ-dən seçilən ilk Papa XIV Lev adını qəbul edib.
SAVASHMEDİA.az yeni Papanın dosyesini təqdim edir:
267-ci Papa kimi tarixdə qalacaq Prevost 14 sentyabr 1955-ci ildə İllinoys ştatının Çikaqo şəhərində anadan olub.
Atası Louis Marius Prevost ABŞ Hərbi Dəniz Qüvvələrinin İkinci Dünya Müharibəsi veteranı və məktəb inzibatçısı olub, fransız və italyan əsillidir.
Anası Mildred Martínez isə ispan mənşəli kitabxanaçı olub. Prevostun iki qardaşı var.
Uşaqlıqda o, Çikaqonun cənub kənarındakı Müqəddəs Məryəm Kilsəsində (St. Mary of the Assumption Church) mərasim köməkçisi (altar boy) kimi xidmət edib.
1973-cü ildə Avqustinian Ordeninin kiçik seminariyasında orta təhsilini başa vurub.
1977-ci ildə Villanova Universitetində riyaziyyat ixtisası üzrə bakalavr dərəcəsi alıb.
O, uzun illər Katolik Kilsəsində müxtəlif vəzifələrdə çalışıb. Prevost xüsusilə Peruda missioner və Chiclayo yepiskopu kimi xidmət etməklə Latın Amerikasında dərin iz buraxıb.
2023-cü ildə Papa Fransisk tərəfindən Yepiskoplar İdarəsinin prefekti təyin edilib.
İspan və italyan dillərini mükəmməl bilir.
Prevost Romada Müqəddəs Tomas Aquinas Papalıq Kollecində kanon hüququ üzrə doktorluq dərəcəsi alıb.
Müqəddəs Avqustin ordenində layiq görülüb.
