Anakondanı dişlədi – Braziliyada
Braziliyada bir kişi çayda üzərkən anakonda ilə üz-üzə gəlib, lakin sağ qalmağı bacarıb.
SAVASHMEDİA.az xarici mediaya istinadən xəbər verir ki, bu barədə “Daily Star” məlumat yayıb.
Bildirilir ki, hadisə Para ştatının Terra Santa bələdiyyəsinin ərazisində baş verib. Sosial şəbəkələrdə nəhəng ilanın çayda bir adama sarılmasının videosu yayılıb. Kadrlarda anakondanın braziliyalını suyun altında sürükləməyə çalışdığı, dostlarının onun qurtulması üçün ilanın quyruğundan tutmağa çalışdığı görünür.
Kişi özünü xilas etməyin yolunu tapıb: o, bir anda dişlərini ilanın başına keçirib və nəticədə anakonda özünü boşaldıb. Bu andan istifadə edən dostları adamı ilanın ağuşından xilas edə biliblər.
Xatirə SADİQ
