Azərbaycan klubu tarixində ilk dəfə İran çempionu oldu
Cənubi Azərbaycanın "Traktor" klubu tarixində ilk dəfə İran çempionu olub.
SAVASHMEDİA.az xəbər verir ki, Təbriz komandası bu nailiyyətə İran Pro Liqasının XXVIII turunda nail olub.
"Traktor" səfərdə "Şəms Azər Qəzvin"i 4:0 hesabı ilə məğlub edib. Paralel qarşılaşmada isə "Sepahan" öz meydanında "Gol Gohar"a yenilib - 1:2.
Nəticədə Təbriz kollektivi xalını 64-ə çatdırıb və sona 2 tur qalmış ən yaxın izləyicisi olan İsfahan təmsilçisini 8 xal geridə qoyub.
Qeyd edək ki, 1970-ci ildə təsis olunmuş "Traktor" indiyədək iki dəfə İran Kubokunu qazanıb.
