Bill Klinton xəstəxanaya yerləşdirildi
Son illər ərzində bəzi sağlamlıq problemləri ilə üzləşən ABŞ-nin eks-prezidenti Bill Klinton bazar ertəsi Vaşinqtonda xəstəxanaya yerləşdirilib.
SAVASHMEDİA.az “Amerikanın səsi”nə istinadən xəbər verir ki, bu barədə 78 yaşlı siyasətçinin ofisi “X” platformasında məlumat yayıb.
“Prezident Klinton bu gün günorta qızdırmasının qalxmasından sonra müayinə və müşahidə üçün Corctaun Universitetinin Tibb Mərkəzinə yerləşdirilib”, - deyə məlymatda deyilir.
Klintonun yaxşı əhval-ruhiyyədə olduğu vurğulanıb.
Bill Klinton 1993 – 2001-ci illərdə iki müddət ərzində ABŞ-nin prezidenti olub. Onun uğurlu prezidentliyi qalmaqallarla müşayiət olunsa da, vəzifədən getdikdən sonra son iki onillikdə Klinton özünü diplomatik və humanitar məsələlərə həsr edib və bu sahələrdə mühüm nailiyyətlər əldə edib.
Xatirə SADİQ
