Bu ölkədə ilk dəfə ağcaqanad göründü
İndi ağcaqanadların mövcud olmadığı tək bircə yer qalıb - Antarktida.
SAVASHMEDİA.az xəbər verir ki, min illərdir ağcaqanadın görünmədiyi İslandiyada ilk dəfə bu həşaratlara rast gəlinib.
Belə ki, Reykyavik yaxınlığında yaşayan Björn Hjaltason adlı bir sakin, oktyabrın 16-da həyətində soyuğa davamlı Culiseta annulata növünə aid üç ağcaqanad aşkarlayı. Bu kəşf, İslandiyanın min illərdir davam edən “ağcaqanadsız ölkə” statusuna rəsmi olaraq son qoymuş oldu.
Kəşf İslandiya Təbiət Elmləri İnstitutundan entomoloq (həşərat alim) Matthías Alfreðsson tərəfindən təsdiqlənib.
Bəs bu ağcaqanadlar niyə indi ortaya çıxdı? Cavab iqlim dəyişikliyidir. İslandiya Şimal yarımkürəsinin qalan hissəsindən dörd dəfə daha sürətli isinməkdədir. Bu isə ölkədəki gölməçələri və bataqlıqları ağcaqanadların çoxalması üçün getdikcə daha əlverişli hala gətirir.
Tapılan Culiseta annulata növü qış aylarını zirzəmi və ya tövlə kimi yerlərdə gizlənərək keçirməyi bacaran davamlı bir növdür. Alimlər bu ağcaqanadların adada daimi bir populyasiya yarada bilib-bilməyəcəyini müəyyənləşdirmək üçün qış boyunca müşahidələr aparacaqlar.
Oğuz
