Çin bu xammalın Rusiyaya tədarükünü dayandırdı
Çin şirkətləri dərman istehsalı üçün Rusiyaya əczaçılıq xammalının tədarükünü dayandırmağa başlayıb.
SAVASHMEDİA.az Rusiya mediasına istinadən xəbər verir ki, bu barədə “Aktiv komponent” əczaçılıq şirkətinin prezidenti Aleksandr Semenyov bildirib.
Onun sözlərinə görə, son sanksiyalar paketindən sonra Rusiyaya tədarükünə icazə verilməyən aralıq məhsulları, aktivləri və reagentlərin yazıldığı müəyyən kodların səviyyəsi var. “Biz əczaçılıq maddələri istehsalçıları olaraq bununla qarşılaşırıq. Eyni Çin şirkətləri də artıq müəyyən mövqelərə məhdudiyyətlər qoyurlar”, - deyə şirkət rəhbəri “BIOPROM–2024” forumunda deyib.
O, hesab edir ki, təchizatla vəziyyət gələcəkdə daha da pisləşəcək. Çünki dövlətin “uzunmüddətli” üstünlükləri olmadan Rusiyanın öz xammal istehsalını qurması qeyri-mümkündür.
Qeyd edək ki, dərman istehsalı üçün xammal təchizatı ilə bağlı problemlər və beynəlxalq əczaçılıq istehsalçılarının bazarı tərk etməsi Rusiyada mövcud dərman vasitələrinin sayının kəskin şəkildə azalması ilə sonuclanıb. Ukrayna ilə müharibə başladıqdan sonra isə Rusiya əczaçılıq sənayesi xammalın idxalı ilə bağlı problemlərlə üzləşdiyindən dərmanlar bahalanıb.
Xatirə SADİQ
