Co Bayden dədə oldu - FOTO
ABŞ-nin indiki prezidenti Co Baydenin nəvəsinin övladı dünyaya gəlib və beləlilə, Birləşmiş Ştatlar tarixində ilk dəfə olaraq vəzifədə olan prezident dədə olub.
SAVASHMEDİA.az xəbər verir ki, bu barədə “CBS News” məlumat yayıb.
Prezident Bayden özü Kaliforniyada keçirdiyi mətbuat konfransında böyük nəvəsi Naomi Baydenin çərşənbə günü ilk övladını dünyaya gətirdiyini açıqlayıb.
Birinci xanım Cill Bayden “İnstaqram” hesabında prezidentin və özünün nəticəsini tutarkən çəkdirdikləri şəkli paylaşıb.
Naomi prezidentin ikinci oğlu Hanter Baydenin qızıdır. O, yeni doğulan ilk övladına 15 ildən çox əvvəl 19 yaşında avtomobil qəzasında faciəvi şəkildə dünyasını dəyişən əmisinin şərəfinə IV Uilyam Brennon Nil adını verib.
O, 2022-ci ildə Piter Nillə ailə həyatı qurub. Ağ Evdə baş tutan bu evlilik tarixi hadisəyə çevrilib. Çünki ilk dəfə dövlət başçısının iqamətgahında prezident nəvəsinin toyu olub. Naomi 2024-cü ilin noyabrında hamilə olduğunu elan etmişdi.
Yanvarın 5-də Ağ Evdə “USA Today”ə müsahibə verən Co Bayden nəvəsinin qeysəriyyə əməliyyatı keçirməsinin planlaşdırıldığını deyib: “Tezliklə mən dədə olacağam!”.
Xatirə Sadiq
