“Danışıqlarda iştirak etməyəcəyik və nəticəsini tanımayacağıq” – Zelenski
“Ukrayna Səudiyyə Ərəbistanındakı danışıqlarda iştirak etməyəcək və rəsmi Kiyevin iştirakı olmadan Ukrayna ilə bağlı heç bir razılaşmanı tanımayacaq”.
SAVASHMEDİA.az “İnterfaks-Ukrayna”ya istinadən xəbər verir ki, bunu jurnalistlərə Ukrayna prezidenti Volodimir Zelenski Səudiyyə Ərəbistanında Rusiya və ABŞ arasında aparılan danışıqları şərh edərkən deyib.
“Ukrayna iştirak etməyəcək. Ukrayna isə Ukrayna olmadan Ukrayna ilə bağlı istənilən danışıqları nəticəsiz hesab edir. Biz belə razılaşmaları tanımayacağıq”, - deyə Zelenski vurğulayıb.
Ukrayna prezidenti qeyd edib ki, bu danışıqların ikitərəfli yolu var: “İkitərəfli məsələlər varsa, onların bunu etmək hüququ var”.
Zelenski əlavə edib ki, bu, əvvəllər də müzakirə olunub, ancaq indi onlar bu barədə açıq danışmağa başlayıblar.
Prezidentin sözlərinə görə, onun fevralın 18-də Səudiyyə Ərəbistanına baş tutacaq rəsmi səfərinin ABŞ və Rusiya nümayəndələri səviyyəsində Səudiyyə Ərəbistanında baş verənlərlə heç bir əlaqəsi yoxdur.
O, deyib ki, danışıqlar barədə Səudiyyə Ərəbistanının vəliəhdi və baş naziri Məhəmməd bin Salmandan soruşacaq.
Ukrayna lideri həmçinin bildirib ki, səfər zamanı neftin qiymətinin aşağı salınması məsələsini qaldıracaq və hesab edir ki, ABŞ prezidenti Donald Trampın bunu edə bilər.
“Mən bilmirəm, kim qiymətləri aşağı salmağa nail ola bilər. Hesab edirəm ki, məhz prezident Tramp bunun üçün ən böyük resursa malikdir. O, enerji sahəsində bu sahədə ən güclüdür və bu, onun əlindədir. Və düşünürəm ki, o, qarşısına məqsəd qoysa, bunu edə bilər”, - deyə Zelenski yekunlaşdırıb.
Xatirə SADİQ
