Donald Tramp “Fox News” telekanalını sərt tənqid etdi – Kamala Harrisə görə
ABŞ prezidentliyinə namizəd Donald Tramp seçkilərdəki rəqibi Kamala Harrislə müsahibənin anonsundan sonra “Fox News” telekanalını tənqid edib.
SAVASHMEDİA.az xəbər verir ki, Tramp bu barədə “Truth Social” sosial şəbəkəsində yazıb.
Tramp qeyd edib ki, çərşənbə günü “Fox News”un Harrisdən müsahibə alacaq aparıcısı Bret Bayer sol qüvvələrə qarşı həddindən artıq yumşaq davranır.
“Yalan danışan Kamala Harris müdrikcəsinə “FoxNews”dan Bret Bayeri çox ehtiyac duyulan müsahibə üçün seçib, çünki o, “ədalətli və balanslı” hesab edilir, hərçənd çox vaxt solçuların kokteyl şənliklərindəkilərə qarşı çox yumşaqdır”, - deyə Tramp yazıb.
O, əlavə edib ki, daha sərt jurnalistin ondan müsahibə almasına üstünlük verərdi.
Tramp digər postların bildirib ki, Harrisin mətbuat katibi Yan Sams faktiki olaraq telekanala sahibdir və “Fox News” tamamilə yolunu azıb.
O, daha bu kanalda efirə çıxmayacağına işarə edib.
Qeyd edək ki, Tramp mütəmadi olaraq “Fox News”da görünür. Keçən ay o, “Fox & Friends” proqramına müsahibə verib, bu həftə isə “Fox News”un təşkil etdiyi tədbirdə iştirak etməyi planlaşdırır. O, bu proqramda qadın auditoriyasının suallarını cavablandıracaq.
Xatirə SADİQ
