Eyfeldə yanğın oldu
Dekabrın 24-də Parisdəki Eyfel qülləsində yanğın baş verib.
SAVASHMEDİA.az xəbər verir ki, bu barədə BMFTV məlumat yayıb.
Telekanalın məlumatına görə, yanğın yerli vaxtla təxminən saat 10:30-da başlayıb və tezliklə xilasedicilər onu söndürməyə gəliblər. Ziyarətçilər arasında itkilərin olmadığı qeyd edilir.
Yanğına səbəbin ikinci və üçüncü mərtəbələr arasında liftin elektrik xəttində baş verən qısaqapanmanın olduğu bildirilib. Hazırda hadisə ilə bağlı digər hallar müəyyənləşdirilir.
Qüllə bu gün tamamilə olmasa da, ikinci mərtəbəyə qədər yenidən ictimaiyyətin üzünə açılıb.
Xatirə SADİQ
