İlhamənin balonlardakı qızılları kimə qalıb? - "Əli Mirəliyevlə qızı evdə ağalıq edirdi"
“Bacım dünyasını dəyişəndə onun evinə gəldik. Sanki evi mebel salonu idi. Evdə nəinki xəzlər, bahalı qablar da yox idi”.
SAVASHMEDİA.az olay-a istinadla xəbər verir ki, bunu mərhum Xalq artisti İlhamə Quliyevanın bacısı Gülbahar Quliyeva “Tarixin bir günü” verilişində deyib.
Tarix Əliyevin (Tolik) “Deyirdilər ki, İlhamə Quliyevanın balonlarla qızılları və brilliantları vardı. Onlar haradadır” sualına o belə cavab verib:
“İlhamənin evində cənazəsi olanda biz qonaq idik. Mən, bacım və bacım qızı. Onun evində o zaman ağalığı Əli Mirəliyev, onun qızı, İlhamə Quliyevanın övladlığa götürdüyü Orxan edirdi. Bu 3 nəfərin əlində idi hər şey. Evin açarları da”.
Tolikin “Bu gün İlhamə Quliyevanın mirasından nələrsə qalıb” sualına G. Quliyeva cavabında bildirib: “Mən yeganə varis deyiləm. Beş nəfərik. Beş qanuni varisi var”.
