İlkin nəticələrə görə “Gürcü arzusu” liderdir – MSK
Gürcüstan Mərkəzi Seçki Komissiyası seçki məntəqələrinin protokollarını real vaxt rejimində öz saytında dərc edir.
SAVASHMEDİA.az gürcü KİV-nə istinadən xəbər verir ki, indiyədək protokolların 70%-i dərc olunub.
Bu protokollara əsasən, hazırda “Gürcü arzusu” hakim partiyasının səsi təxminən 52 faiz təşkil edir. Bundan başqa parlamentə daha 4 partiya, o cümlədən müxalifətin “Dəyişikliklər uğrunda Koalisiya”, “Birlik - Milli Hərəkat”, “Güclü Gürcüstan” və “Gürcüstan üçün Qaxariya” daxil olur.
Qeyd edək ki, bundan öncə iqtidaryönlü və müxalifət KİV-i exit-polların məlumatlarını dərc etmişdilər. Onlar diametral şəkildə əks səsvermə nəticələri göstərirlər.
Xatirə SADİQ
