İnqilabçı arxiyepiskop ifadə vermək üçün İrəvana yola düşdü - Piyada və tərəfdarları ilə
Dövlət çevrilişinə cəhddə ittiham olunan Şirak yeparxiyasının rəhbəri arxiyepiskop Mikael Ajapaxyan Ermənistan İstintaq Komitəsində ifadə verməyə razılaşıb.
SAVASHMEDİA.az xəbər verir ki, bu barədə yerli mediaya Eçmiədzinin Xarici Əlaqələr və Protokol Departamentinin direktoru arxiyepiskop Natan Hovhannisyan bildirib.
Onun sözlərinə görə, Mikael Ajapakhyana istintaq orqanına gəlmək zərurəti barədə lazımi şəkildə məlumat verilməməsinə baxmayaraq, o, Yerevana getmək və İstintaq Komitəsində ifadə verməyə razılaşıb.
II Qareginin Eçmiədzindəki iqamətgahına toplaşanlar isə Ajapaxyanı İstintaq Komitəsinə aparacaq avtomobilin qarşısını kəsərək yolu bağlayıblar.
Son məlumata görə, Ajapaxyan Ermənistan katolikosunun iqamətgahını tərk edərək dindarların müşayiəti ilə Yerevana piyada yola düşüb.
Oğuz
