London rusiyalı səfiri akkreditasiyadan məhrum etdi
Britaniya hökuməti Rusiyanın Londondakı səfiri Andrey Kelinin akkreditasiyasını ləğv edib.
SAVASHMEDİA.az Rusiya KİV-nə istinadən xəbəbr verir ki, rusiyalı diplomat bununla əlaqədar olaraq Britaniya Xarici İşlər Nazirliyinə (XİN) çağırılıb.
Britani XİN-nin məlumatında bildirilib ki, bu, Rusiyanın ötən ilin noyabrda Britaniya diplomatının Moskvada akkreditasiyasını ləğv etmək barədə əsassız qərarına cavabdır. “Böyük Britaniya əməkdaşlarımızın bu cür hədə-qorxulara məruz qalmasına dözməyəcək və biz cavab tədbirləri görürük”, - bəyanatda deyilir.
XİN əlavə edib ki, Moskvanın növbəti addımları eskalasiya kimi qiymətləndiriləcək və müvafiq reaksiya doğuracaq.
Xatirə SADİQ
