Məhkəmə “Associated Press”in lehinə qərar verdi
ABŞ-nin federal hakimi Trevor Makfadden “Associated Press” agentliyinin Ağ Evin mətbuat dəstəsinə qaytarılması barədə hökm çıxarıb.
SAVASHMEDİA.az bu barədə “Associated Press” agentliyinə istinadən xəbər verir.
Qeyd edək ki, ABŞ prezidenti Donald Trampın Meksika körfəzinin adının “Amerika körfəzi” olaraq istifadədən imtina etdiyinə görə agentliyin Ağ Evin mətbuat dəstəsi siyahısından çıxarılmasına göstəriş vermişdi.
Trampın təyin etdiyi ABŞ dairə hakimi Trevor Makfaddenin qərarı Ağ Evdən “Associated Press”in Oval kabinetə, Hərbi Hava Qüvvələrinə və Ağ Evin mətbuat dəstəsinin bir hissəsi olan digər jurnalistlər üçün mövcud olan digər yerlərə girişini bərpa etməyi tələb edir.
“Birinci Dəyişikliyə (ABŞ Konstitusiyasının – red.) əsasən, hökumət bir jurnalistə qapıları açırsa – istər Oval kabinet, istər Şərq otağı, istərsə də başqa bir yerdə – o öz baxışlarına görə digər jurnalistin üzünə bu qapıları bağlaya bilməz. Konstitusiya da məhz bunu tələb edir”, - deyə Makfadden bildirib.
Hakim qeyd edib ki, agentliyin fəaliyyətinin dayandırılması “Associated Press”in biznesinə əhəmiyyətli zərər vurub. O, keçən ay keçirilən məhkəmə dinləmələrində çıxış edən agentlik əməkdaşlarının “məlumat əldə etməkdən məhrum olduqları üçün rəqibləri ilə ayaqlaşa bilmirlər” ifadələrinə istinad edib.
Bununla belə, Tramp administrasiyasına şikayət etmək üçün vaxt vermək üçün Makfadden qərarının icrasını beş gün ertələyib.
Xatirə SADİQ
