Orban niyə Putinlə dostluq etdiyini açıqladı - “Faydalanırıq...”
“Macarıstan Rusiya lideri Vladimir Putin də daxil olmaqla, dünyada dost və tərəfdaşlar qazanır, çünki macarlar onlardan faydalana bilərlər”.
SAVASHMEDİA.az xəbər verir ki, bunu “Magyar Nemzet” nəşrinə müsahibəsində Macarıstanın baş naziri Viktor Orban deyib.
Orban qeyd edib ki, ağlı başında olan ölkənin xarici siyasəti dost qazanmaqdan ibarətdir, çünki dünyada macarların uğurunda maraqlı olan mümkün qədər çox ölkə olmalıdır.
“ABŞ-nin yeni prezidentinin Macarıstandan xoşu gəlir. Çin prezidenti Avropa İttifaqının iki ölkəsinə - Fransaya və Macarıstana səfər edib. Bizim dostumuz Türkiyə prezidentidir, bizim doğru tərəfdaşımız Rusiya prezidentidir, bizim mehriban dostumuz İsrailin baş naziridir. Macar diplomatiya tarixində belə bir şey, demək olar ki, olmayıb. Bu boşqabları eyni vaxtda necə fırlatmaq olar ki, onların heç biri düşməsin və onların öz aralarında münaqişəsi bizimlə münasibətlərə xələl gətirməsin, çətin işdir, amma qeyri-mümkün deyil. Dünyada dost toplamalı olmağımızın səbəbi odur ki, macarlar, bütün macarlar bundan hiss olunacaq qədər faydalana bilsinlər”, - deyə Orban bildirib.
Xatirə SADİQ
