"Rusiya ilə danışıqlar gedir, yaxşı olacaq" - Tramp
ABŞ prezidenti Donald Tramp Ukraynada müharibəni dayandırmaq üçün Rusiya ilə çox ciddi müzakirələr apardıqlarını deyib.
“Biz bütün detalları danışacağıq və yaxın günlərdə əhəmiyyətli nəticələr əldə edəcəyik. Biz bu müharibəni bitirmək istəyirik", - Tramp deyib.
SAVASHMEDİA.az-ın məlumatına görə, Tramp müharibənin yekunlaşması istiqamətində “çox ciddi müzakirələr"in aparıldığını təsdiqləyib. Jurnalistlər bu müzakirələrin Rusiya ilə aparılıb-aparılmadığını soruşduqda isə Tramp qısa cavab verib: "Bəli, Rusiya ilə təmaslar davam edir".
Bununla belə o, təfərrüatları açıqlamayıb. Tramp Putinlə mümkün təmaslarını şərh etməsə də, bu istiqamətdə “işlərin yaxşı getdiyini” vurğulayıb.
Yanvarın 30-da Rusiya prezidentinin mətbuat katibi Dmitri Peskov bildirib ki, Vladimir Putin və Donald Tramp hələ də telefonla danışmayıblar. Xarici işlər nazirinin müavini Sergey Ryabkov isə yanvarın 31-də bildirib ki, danışıqlarda “heç bir irəliləyiş yoxdur”.
