Rusiyalı dustaqlar Ukraynada havayı öləcək - Ödənişlər ləğv edildi
Rusiya hökuməti Ukraynaya müharibəyə göndərilmək üçün Müdafiə Nazirliyi ilə müqavilə bağlamış məhbuslar üçün birdəfəlik ödəniş qaydasında dəyişiklik edib.
İndi belə ödəniş həbsxanada və ya koloniyada olarkən müqavilə bağlamış şəxslərə verilmir.
SAVASHMEDİA.az-ın xəbərinə görə, Rusiyanın baş naziri Mixail Mişustin dekabrın 28-də müvafiq sərəncam imzalayıb. Sənəd hüquqi aktlar portalında dekabrın 30-da dərc edilib və 2025-ci il yanvarın 1-dən qüvvəyə minəcək.
Hərbi müqavilənin köməyi ilə cinayət təqibindən azad olmaq imkanı 2023-cü ildə məhkum edilmiş şəxslər üçün əlçatan olub. 2024-cü ilin martında Dövlət Duması şübhəli, təqsirləndirilən və məhkum edilmiş şəxslərin kiçik və orta ağırlıqda olan cinayətlərə görə məsuliyyətdən azad edilməsinə icazə verən qanun qəbul edib.
Rusiya prezidenti Vladimir Putin 2022-ci ilin noyabrında Ukraynada döyüşən müqaviləli əsgərlər üçün birdəfəlik ödənişlər tətbiq edib. 2024-cü ilin iyul ayında onların məbləği 400 min rubla qədər artırıldı. Regional hakimiyyət orqanları da əlavə vəsait ödəyirlər: bəzi bölgələrdə ödənişlər federal olanları üstələyir. Məsələn, Moskvada müqaviləli əsgərlər 1,9 milyon rubl alırlar.
Təhlükəsizlik Şurasının sədr müavini Dmitri Medvedevin sözlərinə görə, ilin əvvəlindən 440 minə yaxın insan silahlı qüvvələrdə xidmət etmək üçün müqavilə imzalayıb. Gündəlik 1,2 minə yaxın müqavilə bağlanır.
Səlcuq
