Trampdan Baydenin oğlunu əfv etməsinə reaksiya - "Sui-istifadədir"
Donald Tramp getməkdə olan prezident Co Baydenin öz oğlunu əfv etmək qərarını “hakimiyyətdən yolverilməz sui-istifadə” adlandırıb.
SAVASHMEDİA.az-ın məlumatına görə, bu barədə Tramp “Truth Social” sosial şəbəkəsində yazıb.
“Co Hanterin əfvi bir neçə ildir həbsdə olan “6 Yanvar girovları” adlandırdığım şəxsləri əhatə edirmi? Bu, yolverilməz sui-istifadə və ədalətin pozulmasıdır!”
Xatırladaq ki, Tramp “6 yanvar girovlar”ı dedikdə, Co Baydenin seçilməsindən sonra 6 yanvar 2021-ci ildə Kapitoliyə basqın edənləri nəzərdə tutur. Tramp və tərəfdarları onları siyasi məhbus hesab edir və bir çoxlarının ədalətsiz şəkildə mühakimə olunduğunu iddia edirlər.
Xatirə SADİQ
