Türkiyədə məşhur rok qrupunun bütün üzvləri həbs edildi – Dinə görə... + FOTO
Türkiyədə məşhurlaşan “Sarinvomit” rok qrupunun bütün üzvləri həbs edilib.
SAVASHMEDİA.az xəbər verir ki, buna səbəb qrupun mahnılarında dini dəyərləri təhqir etməsidir.
Məlumata görə, Anadolu Baş Prokurorluğu mahnı sözlərində və səhnə dizaynlarında dini dəyərləri təhqir etdiyi müəyyən edilən rok qrupu üzvləri BS, Ç.Y., GK, İ.AK və KRÇ haqqında istintaq başladıb.
İstintaq çərçivəsində saxlanılan şübhəlilərin işi polis bölməsində aparılan əməliyyat tədbirlərinin ardınca məhkəməyə göndərilib. Prokuror tərəfindən dindirilərkən şübhəlilər mahnılarla və sosial şəbəkələrdəki paylaşımlarla heç bir əlaqələrinin olmadığını bildiriblər. Onlar sadəcə musiqiçi olduqlarını qeyd ediblər.
“Sarinvomit” rok qrupunun bütün üzvləri çıxarıldıqları məhkəmə iclasında "ictimaiyyəti kin və düşmənçiliyə sövq etmək və təhqir etmək" ittihamı ilə həbs ediliblər.
Banu
Fotoda: Sarinvomit
