Yüksəkvəzifəli məmur 17-ci mərtəbədən yıxıldı - Bədəlovun ölümünün şok təfərrüatı - FOTO
“Transneft” şirkətinin vitse-prezidenti Andrey Bədəlov Moskvanın Rublevskoye şossesindəki yaşayış binasının 17-ci mərtəbəsinin pəncərəsindən yıxılaraq ölüb.
SAVASHMEDİA.az bu barədə TASS və RİA Novosti agentliklərinə istinadən xəbər verir.
“Bədəlovun meyiti Rublevskoe şossesində evin pəncərələrinin altında tapılıb. Onun özünü 17-ci mərtəbədən atdığı güman edilir”, - TASS bildirib.
Hadisə ilə bağlı araşdırma aparılır.
“İlkin məlumata görə, Bədəlov bu gün səhər (4 iyul – red.) mənzilinin pəncərəsindən düşüb”, - RİA Novosti qeyd edib.
“Baza” Telegram kanalının məlumatına görə, korporasiyanın top meneceri binanın 10-cu mərtəbəsində yaşayıb, amma 17-ci mərtəbənin eyvanından yıxılıb.
Bədəlovun 62 yaşı var idi. O, 2021-ci ildən “Transneft”də işləyirdi. Rəqəmsal transformasiya və informasiya texnologiyaları məsələlərinə nəzarət edirdi.
Qeyd edək ki, 90-cı illərdən bəri Rusiyada müxtəlif rütbəli məmurların və digər nüfuzlu şəxslərin pəncərədən “yıxılması”, “özünü asması” və ya “özünü güllələməsi” ilə bağlı insidentlər baş verməkdədir.
Xatirə SADİQ
Fotoda: Andrey Bədəlov
