Zelenskinin ofisindəki axtarışla bağlı HƏR ŞEY - Əməliyyata niyə bu filmin adı verilib?

SAVASHMEDİA.az xəbər verir ki, "Forrest Gump" şifrəli adı altında aparılan istintaq çərçivəsində Prezident Ofisinin rəhbərliyi, deputatlar və dövlət banklarının idarəçilərinin adı hallanan cinayət şəbəkəsi hədəf alınıb.

Antikorrupsiya müfəttişləri Prezident Ofisinin rəhbər müavini İrina Mudranın mənzilində də axtarış aparıblar. O, çirkli pulların yuyulması və qanunsuz mülkiyyət mənimsəmə sxemlərində iştirakda şübhəli bilinir.

Axtarış xəbərlərinin yayılmasından dərhal sonra Prezident Volodimir Zelenski imzaladığı fərmanla İrina Mudranı tutduğu vəzifədən kənarlaşdırıb.

Əməliyyatlar birbaşa Prezident Volodimir Zelenskinin özünə qarşı deyil, onun komandasındakı yüksəkçinli məmurlara yönəlib. Zelenski administrasiyası antikorrupsiya orqanlarının fəaliyyətinə maneçilik törədilmədiyini, araşdırmaların tam obyektiv aparılması üçün adı hallanan şəxslərin dərhal vəzifələrindən uzaqlaşdırıldığını bildirib.

Xatırladaq ki, əməliyyat 1994-cü ildə çəkilmiş "Forrest Gump" (Forrest Qamp) Hollivud kinosunun şərəfinə eyni cür adlandırılıb. Ukraynanın antikorrupsiya qurumlarının bu əməliyyata "Forrest Gump" kod adını verməsinin isə bir neçə əsas səbəbi var:

1. Səs yazılarındakı gizli ləqəblər və kodlar: NABU-nun yaydığı gizli dinləmə materiallarında şübhəlilərin öz aralarında müəyyən şəxsləri və ya mexanizmləri kinofilm obrazları ilə kodlaşdırdığı ortaya çıxıb.
 
İstintaq orqanları da əməliyyata ad seçərkən məhz bu səs yazılarındakı ifadələrdən və leksikondan təsirləniblər. 

2. Nağd pulların "qaçırılması" və yuyulması sxemi: Filmin ən məşhur sitatlarından biri "Run, Forrest, run!" ("Qaç, Forrest, qaç!") ifadəsidir. 

Bu əməliyyatda söhbət 150 milyon qriuna qanunsuz nağd vəsaitin antikorrupsiya orqanlarından gizlədilərək, müxtəlif şirkətlər və banklar vasitəsilə sürətlə "qaçırılması" (köçürülməsi) və girov üçün yuyulmasından gedir. Müfəttişlər pulların bu cür sürətli hərəkətinə ironik yanaşaraq bu adı seçiblər.  

3. "Midas" əməliyyatının davamı olması

NABU-da irimiqyaslı əməliyyatlara məşhur adlar və ya simvolik terminlər vermək ənənəsi var. Bundan əvvəlki mərhələ "Midas" (toxunduğu hər şeyi qızıla çevirən əfsanəvi padşah) adlanırdı. Qanunsuz pulların yuyulması və girov sxemləri ilə bağlı növbəti mərhələyə isə bu zənciri tamamlamaq üçün "Forrest Gump" adı verilib.

Səlcuq