“30 il hakimiyyətdə olan diktator mənim legitimliyimdən danışır?”  - Zelenski

Ukrayna prezidenti Volodimir Zelenski Rusiya prezidenti Vladimir Putinin onun qeyri-legitim olduğu barədə fikrinə sərt münasibət bildirib.

Feb 5, 2025 - 11:24
“30 il hakimiyyətdə olan diktator mənim legitimliyimdən danışır?”  - Zelenski

SAVASHMEDİA.az bu barədə ukraynalı jurnalsit Dmitri Qordonun “telegram” kanalına istinadən xəbər verir. 

Britaniyalı jurnalist Pirs Morqana müsahibəsində Zelenski “Putin Ukrayna prezidenti Zelenskini guya qeyri-legitim hesab edir, çünki onun səlahiyyət müddəti başa çatıb (bu doğru deyil) və onunla danışıqlar aparılarsa, onlar da qeyri-legitim olacaq” sualına belə cavab verib: 

“Putinin seçkilərlə bağlı, mənim legitimliyim, diktatura haqqında narrativləri var. Və bunu 30 ildir hakimiyyətdə olan, Ukraynanın və digər başqa ölkələrin ərazi bütövlüyünü pozan qanlı qatil-diktator deyir! Və o, hansısa qeyri-legitimlikdən danışır?”, - deyə Zelenski hiddətini ifadə edib. 

Xatirə SADİQ