Aİ Rusiya neftinin qiymətini 15% azaltmağa razıdır – Reuters
Avropa İttifaqının (Aİ) səfirləri Rusiyaya qarşı 18-ci sanksiyalar paketini razılaşdırmaq mərhələsindədir.
SAVASHMEDİA.az bu abrədə “Reuters” agentliyinə istinadən xəbər verir.
Məlumata görə, bu paket Rusiya neftinin maksimal qiymətinin azaldılmasını da özündə əks etdirəcək. Beləliklə, Rusiya neftinin qiyməti təxminən 47 dollar/barel təşkil edəcək ki, bu da orta bazar qiymətindən 15% aşağıdır.
Anonimlik şərti ilə danışan mənbələr bildiriblər ki, paketin bütün elementləri razılaşdırılıb, hərçənd bir üzv dövlətin yeni limitlə bağlı texniki şərti var. Buna baxmayaraq, mənbələr iyulun 14-də tam razılığın əldə olunacağını gözləyirlər. Bu, paketin rəsmi olaraq təsdiq oluna biləcəyi xarici işlər nazirlərinin Brüssel görüşündən əvvəl baş verməlidir.
Mənbələr həmçinin “qiymətləri məhdudlaşdırmaq üçün dinamik qiymət mexanizmi” barədə razılığa gəldiklərini söyləyiblər.
Qeyd edək ki, Avropa Komissiyası iyulun 11-də Rusiya nefti üçün üzən qiymət limitini əvvəlki üç ayda xam neftin orta bazar qiymətindən 15% aşağı təklif etdi.
Mənbələrdən biri xəbər verib ki, Rusiya xam neftinin son 22 həftə ərzində mənfi 15% orta qiyməti əsasında başlanğıc qiymət bir barel üçün 47 dollar civarında təşkil edəcək. Bundan başqa, qiymətə hər altı aydan bir neftin orta qiyməti əsasında yenidən baxılacaq.
Mənbələr bildiriblər ki, təklif olunan tədbirlər paketini yubadan Slovakiya hələ də Avropa Komissiyasından Rusiya qazının tədarükünü dayandırmaq planları barədə narahatlığına dair təminat gözləsə də, yeni tədbirlərlə razılaşmalı olub.
Xatirə SADİQ
