Angela Merkeldən etiraf – “Makron üçün darıxıram”
Almaniyanın keçmiş kansleri Angela Merkel bəzi siyasətçilərlə görüşmək üçün darıxdığını etiraf edib.
SAVASHMEDİA.az xəbər verir ki, bunu Merkel Fransanın “Le Point” jurnalına müsahibəsində bildirib.
Onun sözlərinə görə, 16 il kansler kimi fəaliyyət göstərdiyi üçün siyasi fəaliyyəti üçün darıxmır. Merkelin fikrincə, bu, kifayət qədərdir.
“Lakin mən prezident Makron da daxil olmaqla müəyyən insanlarla görüşmək üçün çox darıxıram”, - deyə eks-kansler əlavə edib.
Donald Tramp haqqında danışarkən Merkel amerikalı siyasətçinin yanaşmasının tez-tez mübahisələrə və münaqişələrə səbəb olduğunu xatırladıb. O, bildirib ki, Almaniyanın maraqlarını qorumaq üçün çox çalışmalı olub, çünki Trampla işləmək çox vaxt stress mənbəyi olub.
Merkel hesab edir ki, Trampın yenidən seçilməsindən sonra Avropa özünün bölünməsinə imkan verməməli, maraqlarını koordinasiyalı şəkildə ifadə və müdafiə etməlidir, çünki bu, çox vacibdir.
Xatirə SADİQ
