ATƏT rəsmisindən Gürcüstana qarşı demarş – səfər ertələndi
ATƏT Parlament Assambleyasının prezidenti Pia Kauma Gürcüstana planlaşdırılan 8 – 10 yanvar tarixli səfərini ertələyib.
SAVASHMEDİA.az xəbər verir ki, Kauma bu barədə “X” platformasında yazıb.
Kauma bildirib ki, o, Gürcüstana səfərini “ATƏT-in iştirakının ən təsirli olacağı” vaxta qədər təxirə salmaq qərarına gəlib.
“Biz bütün səsləri dinləməyə və ATƏT/DTİHB tövsiyələrinin yerinə yetirilməsində kömək təklif etməyə hazırıq”, - deyə o, vurğulayıb.
Gürcüstanın eks-prezidenti Salome Zurabişvili bu addımı “müdrik qərar” adlandırıb.
“Gürcüstan xalqı gürcü demokratiyasının narahatlığını və ümidlərini nəzərə aldığınız üçün sizə minnətdardır, Biz hər zamankindən daha çox ATƏT-ə ehtiyac duyuruq! Və yeni seçkilərə!”, - deyə Zurabişvili əlavə edib.
Xatirə SADİQ
