Avropa İttifaqı Suriyaya qayıdır
Avropa İttifaqı (Aİ) Suriyadakı nümayəndəliyini yenidən açacaq.
SAVASHMEDİA.az “Reuters”ə istinadən xəbər verir ki, bu barədə Aİ-nin baş diplomatı Kaya Kallas deyib.
Kallas qeyd edib ki, Aİ-nin səfirlik statusunda olan Suriyadakı ofisi heç vaxt rəsmi olaraq bağlanmayıb, lakin müharibə zamanı Dəməşqdə akkreditə olunmuş səfir olmayıb.
“Biz bu nümayəndəliyin yenidən tam fəaliyyət göstərməsini istəyirik”, - deyə Aİ-nin ali nümayəndəsi vurğulayıb.
Kallas bildirib ki, o, Aİ nümayəndə heyətinin rəhbərindən Suriyanın yeni rəhbərliyi və digər qruplarla əlaqə yaratmaq üçün dekabrın 16-da Dəməşqə səfər etməsini istəyib.
Xatirə SADİQ
