Avropa liderləri Gürcüstana səfər etməlidir – Litva prezidenti
Litva prezidenti Gitanas Nauseda Avropa liderlərinin Gürcüstana səfər etməsi təşəbbüsünü irəli sürüb.
SAVASHMEDİA.az xəbər verir ki, bu barədə “News Georgia” portalı məlumat yayıb.
Litva prezidentinin fikrincə, Avropa liderlərinin Gürcüstana səfəri Avropa İttifaqı (Aİ) səviyyəsində razılaşdırılmalıdır. “Belə ümumi mövqe indi formalaşır”, - deyə Nauseda vurğulayıb.
Qeyd edək ki, bundan öncə Nauseda bildirmişdi ki, Gürcüstana səfəri Baltikyanı ölkələrin və Polşanın liderləri ilə müzakirə edib. O, keçən həftə Baltikyanı ölkələrin prezidentlərinin illik görüşündə bu məsələni qaldırıb.
Bundan başqa, Litva prezidenti yaxın günlərdə Tallinndə keçiriləcək Birgə Ekspedisiya Qüvvələrinin sammitində Gürcüstana mümkün səfəri də müzakirə etməyi planlaşdırır.
Xatirə SADİQ
