Berlin müdafiəyə ÜDM-nin 5%-ni xərcləyəcək – “Bild”
Kansler Fridrix Mertsin rəhbərlik etdiyi yeni hakim koalisiya Almaniyanın müdafiə xərclərini əhəmiyyətli dərəcədə artırmaq qərarına gəlib.
SAVASHMEDİA.az xəbər verir ki, bu barədə “Bild” yazır.
Almaniyanın xarici işlər naziri Yohann Vadeful amerikalı həmkarı Marko Rubio ilə Türkiyədə görüşdən sonra bildirib ki, Berlin ÜDM-in 5% hədəfinə can atacaq. Bu, ildə 215 milyard avrodan çox deməkdir.
Nəşr qeyd edir ki, hazırda Almaniya ÜDM-nin təqribən 2%-ni müdafiəyə xərcləyir, lakin o, tez-tez hətta bu öhdəliklərini yerinə yetirə bilmirdi.
“Bu, Almaniya siyasətində əhəmiyyətli paradiqma dəyişikliyidir. Biz hədəfə 2030-cu ildən gec olmayaraq tədricən nail olunacağını gözləyirik. Bu, əlüstü baş verməyəcək, lakin bu, baş verməlidir”, - deyə XDİ-nin xarici siyasət və müdafiə üzrə eksperti Roderix Kizevetter “Bild”ə bildirib.
Xatirə SADIQ
