Boğaz ağrısından qurtulmaq üçün – Təbii üsullar
Boğaz ağrısı udlağın və ya badamcıqların (tonsillərin) iltihabı nəticəsində yaranan narahatlıq və ya ağrı hissidir.
SAVASHMEDİA.az xəbər verir ki, boğaz ağrısı çox vaxt virus və ya bakteriya mənşəli infeksiyalarla əlaqəli olur.
Boğaz ağrısının səbəbləri
Virus infeksiyaları - qrip, soyuqdəymə, COVID-19, adenoviruslar.
Bakterial infeksiyalar - Streptokok anginası (angina), xüsusilə boğazda irin və yüksək hərarətlə müşahidə olunur.
Allergiyalar - Toz, polen, heyvan tükü.
Quru hava - Xüsusilə qışda istilik sistemləri ilə quru hava nəfəs yollarını qurudur.
Siqaret və kimyəvi maddələrə məruz qalma.
Reflüks - Mədə turşusunun boğaza qədər çıxması.
Qışqırmaq, uzun müddət danışmaq və s.
Boğaz ağrısını keçirmək üçün təbii üsullar
Bal və limonlu çay
İlıq suya bal və limon əlavə edib içmək boğazı yumşaldır və mikroblarla mübarizə aparır.
Duzlu su ilə qarqara
Gündə 2-3 dəfə duzlu su ilə qarqara etmək şişkinliyi azaldır və mikrobları təmizləyir.
Zəncəfil çayı
Zəncəfil dəmləyib içmək iltihabı azaldır.
Sarımsaq
Təzə sarımsağı çeynəmək və ya yeməklərə qatmaq boğaz ağrısı üçün faydalı ola bilər. Çünki sarımsaq təbii antibiotikdir.
İsti toyuq bulyonu
Gün ərzində bir neçə dəfə içmək boğazı yumşaldır, orqanizmi gücləndirir.
Kəklikotu və adaçayı
Çay kimi dəmləyib içmək və ya qarqara etmək boğaz ağrısını azaldır. Bu bitkilər antiseptik və sakitləşdiricidir.
Qeyd: Boğaz ağrısı 5 gündən çox davam edirsə, yüksək hərarət varsa (38.5°C və yuxarı), ağrılı udqunma, boğazda irin, ya da boğulma hissi varsa, uşaqlarda və ya immun sistemi zəif olan insanlarda müşahidə olunursa həkimə müraciət etməlisiniz!
Banu
