Boyu 150 sm-dən az olan şəxslərə sürücülük vəsiqəsi verilməyəcək
Rusiya Federasiyasında sentyabr ayından qüvvəyə minən qanuna əsasən, boyu 150 santimetrdən az olan şəxslər sürücülük vəsiqəsi ala bilməyəcəklər.
SAVASHMEDİA.az xəbər verir ki, qərar yollarda təhlükəsizliyin təmin olunması məqsədi ilə qəbul edilib.
Yeni qaydalara görə, sürücülük hüququ üçün əks göstərişlər siyahısına həmçinin ağır psixi pozuntular, sinir sistemi xəstəlikləri, epilepsiya, eşitmə və vestibulyar pozuntular da daxildir. Bundan əlavə, bir gözdə görmə göstəricisinin ən azı 0,6, digərində isə 0,2 faiz olması tələb olunur. Bir gözün tam korluğu isə artıq bütün kateqoriyalar üzrə sürücülük vəsiqəsi almağa qadağa sayılır.
Bununla yanaşı, qanun amputasiya olunmuş aşağı ətraflara malik şəxslər üçün müəyyən güzəştləri nəzərdə tutur. Əgər onların əl ilə idarə olunan uyğunlaşdırılmış avtomobili varsa, nəqliyyat vasitəsini idarə etmələrinə icazə veriləcək. (milli.az)
