ChatGPT qurucusu “Google Chrome”u almaq istəyir
ABŞ federal məhkəməsi “Google” şirkətini “Chrome” brauzeri satmağa məcbur edəcəyi təqdirdə OpenAI onu almaqda maraqlı olacaq.
SAVASHMEDİA.az “Bloomberg” agentliyinə istinadən xəbər verir ki, bunu ChatGPT layihəsini idarə edən OpenAI şirkətinin nümayəndəsi Nik Törli deyib.
ABŞ Ədliyyə Nazirliyi məhkəmə prosesində Törlini ifadə verməyə çağırıb. Bu proses “Google”un öz biznesində hansı dəyişiklikləri etməli olduğunu müəyyən etmək məqsədi daşıyır.
Federal hakim şirkətin axtarış sistemləri bazarında monopoliyaya malik olması barədə qərar çıxarıb.
Ədliyyə Nazirliyi məhkəmədən “Google” şirkətinin “Chrome”dan imtinaya vadar olunmasını tələb edir.
Xatirə SADİQ
