“Danışmıram, əl çəkin” – Panama prezidenti
Panama prezidenti Xose Raul Mulino Panama kanalının mülkiyyət hüququnun ötürülməsi barəsində ABŞ ilə danışıqlar aparmayacağını bəyan edib.
SAVASHMEDİA.az “Associated Press” agentliyinə istinadən xəbər verir ki, Panama prezidenti bunu mətbuat konfransında deyib.
Mulino bildiib ki, ABŞ dövlət katibi Marko Rubionun gözlənilən səfərinin onlara ümumi maraqlara, o cümlədən miqrasiya və narkotiklərin qanunsuz dövriyyəsinə qarşı mübarizəyə diqqəti cəmləməyə imkan verəcəyinə ümid edir.
Qeyd edək ki, Rubio fevralın 2-də Panama kanalına nəzarəti geri alacağına söz verən ABŞ prezidenti Donald Trampın nümayəndəsi kimi Panamaya getməyi planlaşdırır.
Xatirə SADİQ
