“Donald Tramp kimi nəcis barədə danışmaq məni hirsləndirir” – Hollivudun məşhur aktyoru
Hollivudun məşhur aktyorları Robert De Niro və Leonardo Di Kaprio seçki yarışında Kamala Harrisin namizədliyini dəstəklədiklərini bəyan ediblər.
SAVASHMEDİA.az xəbər verir ki, bu barədə “CBS” məlumat yayıb.
Hər iki aktyor Filadelfiyada seçiciləri ABŞ-nin yeni prezidenti Kamala Harrisə səs verməyə çağırıb.
Onlar Kerri Vaşinqton, Tessa Tompson və Brayan Tayri Henry də daxil olmaqla digər aktyorlarla birlikdə seçici fəallığını artırmaq üçün Filadelfiya şəhər hökumətinin Harrisə dəstək tədbirində iştirak ediblər.
Leonardo Di Kaprio Harrisin iqlim dəyişikliyi ilə bağlı mövqeyini dəstəkləyib.
Robert De Niro isə müxtəlif söyüş ifadələrindən istifadə edərək Trampa qarşı nifrətini açıq şəkildə ifadə edib.
“Donald Tramp kimi nəcis barədə danışmağımız məni çox hirsləndirir”, - deyə De Niro bildirib.
Qeyd edək ki, oktyabrın 25-də Kamala Harris və Donald Trampın milli reytinqləri seçkiyə iki həftədən az qalmış faktiki olaraq bərabərləşib. Sorğuya əsasən onların hər birinin reytinqi 48%-dir. İki həftə əvvəl keçirilən sorğuda Harris 49%-lə irəlidə idi. Trampa isə respondentlərin 46%-i etimad göstərirdi.
Xatirə SADİQ
