“Dürüst, xarakterklə dolu heyrətamiz tərəfdaş…” – Bayden vitse-prezidentini təriflədi
Prezident Co Bayden vitse-prezident Kamala Harrisi dürüst, hünər və xarakterlə dolu heyrətamiz tərəfdaş və dövlət qulluqçusu adlandırıb.
SAVASHMEDİA.az “Amerikanın səsi”nə istinadən xəbər verir ki, Bayden bunu öz müavini ilə bağlı heyranlığını və qürurunu ifadə edən bəyanatında vurğulayıb.
Bayden qeyd edib ki, Kamala Harris fövqəladə şəraitdə tarixi kampaniyaya rəhbərlik edib və xatırladıb ki, 2020-ci ildə prezidentliyə namizəd olduqda ilk qərarı Harrisin vitse-prezident seçilməsi ilə bağlı olub.
Co Bayden əmindir ki, gələcəkdə Kamala Harris məqsəd, qətiyyət və sevinclə mübarizəni davam etdirəcək və Amerika uşaqlarının nəsillər boyu baxacağı lider olmağa davam edəcək.
Xatirə SADİQ
