Enerji verir, sümükləri gücləndirir, qəbizliyə faydalıdır - Bəhməz
Bəhməzin sağlamlığa faydaları təsdiqini çoxdan tapmış həqiqətdir.
SAVASHMEDİA.az respublikamızın bir çox bölgələrində hazırlanan bəhməzin növləri və faydaları ilə bağlı yazını təqdim edir.
Bəhməzin növləri
Üzüm bəhməzi – ən çox rast gəlinən növdür, qanartırıcı təsiri ilə məşhurdur.
Tut bəhməzi – boğaz ağrıları və öskürəyə qarşı faydalıdır.
Keçibuynuzu (çarq) bəhməzi – tənəffüs yolları üçün çox faydalıdır.
Bəs bəhməzin nə kimi faydaları var?
1. Qanazlığını (anemiyanı) aradan qaldırır
Bəhməz tərkibində yüksək miqdarda dəmir və fol turşusu ehtiva etdiyi üçün xüsusilə dəmir çatışmazlığına bağlı anemiya hallarında faydalıdır.
2. Enerji verir
Təbii şəkər mənbəyi olduğuna görə bədəndə enerjini tez artırır. Yorğunluq və halsızlıq hallarında təbii güc verici kimi istifadə olunur.
3. İmmunitet sistemini gücləndirir
Antioksidant və vitaminlərlə zəngin olduğu üçün orqanizmin infeksiyalara qarşı mübarizəsini gücləndirir.
4. Uşaqlar və yaşlılar üçün faydalıdır
Böyümə çağında olan uşaqların və yaşlı insanların qida ehtiyaclarını qarşılamaqda dəstəkləyici rolu var.
5. Həzm sisteminə müsbət təsir edir
Bəhməz mədəni və bağırsaqları qoruyur, qəbizlik kimi problemləri azalda bilər.
6. Sümük sağlamlığını dəstəkləyir
Kalsium və maqnezium baxımından zəngin bəhməz sümük sağlamlığı üçün də faydalıdır.
7. Dəri və saç sağlamlığına töhfə verir
Tərkibindəki minerallar və vitaminlər sayəsində dərinin və saçların parlaq və sağlam qalmasına kömək edir.
Yağmur
