“Əraziləri kvadrat kilometrlərlə azad edirik” – Putin qürrələndi
“Ukraynada hərbi əməliyyat zonasında döyüş təmas xəttində vəziyyət kəskin şəkildə dəyişir, bütün cəbhə xətti boyunca hərəkət baş verir”.
SAVASHMEDİA.az xəbər verir ki, bunu ilin yekunlarına həsr olunmuş mətbuat konfransında Rusiya prezidenti Vladimir Putin deyib.
“Söhbət 100-200-300 metr irəliləməkdən getmir. Döyüşçülərimiz əraziləri kvadrat kilometrlərlə azad edirlər. Döyüş əməliyyatları mürəkkəb işdir”, - deyə dövlət başçısı bildirib.
Putin döyüş meydanındakı durumu “hərbi əməliyyatların klassiki” kimi dəyərləndirib. “Əvvəlcə, düşmən soxulur, ona texnika, sursat və şəxsi heyət baxımından ciddi zərbə vurulur. Sonra isə irəli hərəkət başlayır. Bizdə belə baş verir. Döyüş hərəkətləri mürəkkəb şeydir. Qabaqcadan irəlini düşünmək çətindir və mənası yoxdur. Biz birinci dərəcəli məsələlərin həllinə doğru irəliləyirik”, - deyə president vurğulayıb.
Xatirə SADİQ
