Ermənistanın eks-naziri Moskvada tutuldu
Ermənistanın keçmiş müdafiə naziri Arşak Karapetyan Moskvada saxlanılıb.
SAVASHMEDİA.az xəbər verir ki, bu barədə “RBC” telekanalı məlumat yayıb.
Rusiya Daxili İşlər Nazirliyinə (DİN) yaxın mənbə bildirib ki, Karapetyan dekabrın 29-da Moskvanın mərkəzində saxlanılıb. O, Ermənistan hüquq-mühafizə orqanlarının başlatdığı işlər çərçivəsində axtarışa verilib.
Karapetyanın 57 yaşı var. Kalininqrad Ali Hərbi Dənizçilik Məktəbini və Frunze adına Hərbi Akademiyanı bitirib.
O, 2018 – 2021-ci illərdə Ermənistanın baş naziri Nikol Paşinyanın müşaviri olub. 2021-ci ilin aprel-iyul aylarında Ermənistan Baş Qərargah rəisinin birinci müavini vəzifəsində çalışıb, sonra iki həftə müdafiə nazirinin birinci müavini, avqustun 2-də isə müdafiə naziri təyin edilib. Karapetyan 3 ay sonra vəzifəsindən azad edilib.
Xatirə SADİQ
