Gürcüstanda dövlət çevrilişi planlaşdırılır - Parlament rəhbəri
“Gürcüstanda bütün əlamətlər onu göstərir ki, ölkədə çevrilişə hazırlaşan qruplaşma var”.
SAVASHMEDİA.az gürcü KİV-nə istinadən xəbər verir ki, bu barədə jurnalistlərə Gürcüstan parlamentinin spikeri Şalva Papuaşvili deyib.
Onun sözlərinə görə, Gürcüstanda dövlət çevrilişi planlaşdıranlar sonrakı iğtişaşlar üçün saxta bəhanə yaratmağa hazırlaşırlar.
Oktyabrın 26-da Gürcüstanda parlament seçkiləri keçiriləcək.
“Gürcü Arzusu” hakim partiyası dəfələrlə bəyan edib ki, hakimiyyət ölkədə dövlət çevrilişi cəhdindən xəbərdardır.
Partiyanın təsisçisi Bidzina İvanişvili həmçinin iddia edib ki, Qərb ölkələrindən birinin yüksək rütbəli məmuru Gürcüstanın keçmiş baş naziri İrakli Qaribaşviliyə Rusiya ilə müharibəyə başlamağı təklif edib.
Bu arada prezident Salome Zurabişvili ölkəni Avropa yoluna qaytaracağına söz verib və ikinci müddətə namizədliyini irəli sürmək planlarını açıqlayıb.
Xatirə SADİQ
