İTV Kəramət Böyükçölü niyə bezdirib? - "Canımı boğaza yığıblar..."
Yazıçı Kəramət Böyükçöl İctimai Televiziya (İTV) tərəfindən efir qadağısına məruz qalan ilahiyyatçı Elşad Miriyə dəstək nümayiş etdirib.
SAVASHMEDİA.az xəbər verir ki, yazıçı İTV rəhbərliyinə çağırış edərək verilişlərə onun əvəzinə Elşad Mirinin dəvət edilməsini xahiş edib.
"Elşad Miri İTV-nin ona qadağa qoymasından gileylənən bir status paylaşıb. Halbuki İTV-nin jurnalistləri tez-tez canımı boğaza yığıb, məni verilişə çağırırlar, getmirəm. İTV-nin rəhbəri Balakişi Qasımovdan xahiş edirəm ki, Elşad Miriyə olan qadağanı götürüb, əvəzinə mənə qadağa qoysunlar", - Kəramət Böyükçöl bildirib.
O, İTV-də görünməyin faydasız olduğunu da əlavə edib:
"Ayda bir dəfə 40-50 nəfərlə canlı görüş keçirməyim mənim üçün də, ora gələn insanlar üçün də daha faydalıdır, nəinki İTV-də görünmək".
Səlcuq
