“Kanadanın himnini saxlamağa icazə verəcəyəm” – Tramp qonşu ölkəni ələ saldı
Amerikalı prezident Kanadanın ölkəsinə birləşəcəyi zaman onun dövlət himnini saxlamasına icazə verəcəyini söyləyib.
SAVAHMEDİA.az “Associated Press”ə istinadən xəbər verir ki, bu barədə Donald Tramp Respublikaçı Qubernatorlar Assosiasiyasının iclasında danışıb.
Kanadanın ABŞ-yə 51-ci ştat kimi birləşməsi barədə fikrini yenidən yada salan Tramp şimal qonşusunu ələ salmağa davam edib.
“Mənim “O Kanada [himnin adı] ətrafındakı ajiotaj xoşuma gəlir. Bu gözəl şeydir. Düşünürəm ki, biz onu 51-ci ştat üçün saxlamalı olacağıq”, - deyə Ağ Evin rəhbəri bildirib.
Amerikalı prezident həmçinin Kanadanın baş naziri Castin Trüdonu növbəti dəfə qubernator adlandırıb.
Xatirə SADİQ
